-8402fff9.png)
މިރާޝް މޫސާ

ބިބީ ގެ ޕްރޮމޯޝަނަލް ލަވަ "ލާލު ބިބީ"
އަންނަ މަހުގެ ހަތްވަނަ ދުވަހު އޮލިންޕަހުގައި އަޅުވަން ތައްޔާރުވަމުން އަންނަ ފިލްމު "ބިބީ"ގެ ޕްރޮމޯޝަނަލް ލަވަ، "ލާލު ބިބީ" ނެރެފިއެވެ.
މަޝްހޫރު ރެޕް ލަވަކިޔުންތެރިޔާ ޓޯއީ އާއި އަޝްފާ ކިޔާފައިވާ މި ލަވައިގެ ޅެން ވެސް ހެދީ ޓޯއީއެވެ.
ބިބީ ފިލްމުގެ ލީޑުން ފެންނަ މަރްޔަމް މަޖުދާ (މަޖޫ)ގެ އިތުރުން ޝަރަފް އަބްދުުﷲ ލަވައިން ފެންނަ އިރު އެކުގައި މުހިއްމު ސަޕޯޯޓިން ރޯލުތަކުން ފެންނަ ތަރިން ވެސް ފެނެއެވެ.
މި ލަވައިގެ ޑައިރެކްޝަން އަދި ކްރިއޮގްރަފީގެ އިތުރުން މޭކަޕާއި، ކޮސްޓިއުމް އަކީ ފިލްމުގެ މޭކަޕް އާޓިސްޓް ސޭންޑީގެ މަސައްކަތެވެ. ލަވައިގެ މިކްސިން އަދި މާސްޓަރިން ހެދީ ހުސައިން ތައުފީގެވެ. އެޑިޓްކުރީ އަހްމަދު ޒިފާފެވެ.
ފިލްމު 'ބިބީ' އަކީ ހޮރޯ ކޮމެޑީ ފިލްމެކެވެ. ފިލްމުގައި ހިނގާ ބިރުވެރި ހާދިސާތައް ދައްކުވައިދީފައިވަނީ ހެއްވާ މަޖާ ގޮތަކަށެވެ. ފިލްމު ލިޔެ، ޑައިރެކްޓުކުރީ ޝަހުދާ މަހުމޫދެވެ. މިއުޒިކް ޕްރޮޑަކްޝަން 'ޑީމޮން އެންޑް ޕެންޑާ' އިން ކޮށްފައިވާއިރު، ވީއެފްއެސް ހެދީ ވިޝާލް ޒަކީއެވެ. ވީޑިއޯ މާސްޓަރިން ހެދީ އަލީ ޝިފާއުއެވެ.
މި ފިލްމަކީ މަޖޫ އާއި ޝަރަފް އެކުގައި ފެންނަ ފުރަތަމަ ފިލްމެވެ. އެ ދެ ތަރިންގެ އިތުރުން ރާއްޖޭގެ ސިނަމާގައި ނަން މަޝްހޫރު ތަރިން ކަމުގައިވާ ޝީލާ ނަޖީބު، އަހްމަދު ސައީދު، ފުބޫ އަދި އަމަންގެ އިތުރުން ކުރީގެ މަޝްހޫރު ތަރިި، އިސްމާއީލް ވަޖީހުގެ ކެމެއޯއެއް ވެސް މި ފިލްމުގައި ފެންނާނެއެވެ.
ފިލްމުގެ ޓިކެޓް ހޯދުމަށް ވައިބާ ނުވަތަ ވަޓްސްއެޕް މެދުވެެރިކޮށް އަށް މެސެޖެއް ކޮށްލާށެވެ.

2 މަސް ކުރިން

2 މަސް ކުރިން

11 މަސް ކުރިން

ގާތްގަނޑަކަށް 1 އަހަރު ކުރިން
ގާތްގަނޑަކަށް 1 އަހަރު ކުރިން

ގާތްގަނޑަކަށް 1 އަހަރު ކުރިން

1 އަހަރަށްވުރެ ގިނަ ކުރިން

1 އަހަރަށްވުރެ ގިނަ ކުރިން