-8402fff9.png)

އެސްޓީއޯއިން ކުކުޅުބިސް ވިއްކަނީ ކޮންޓްރޯލްކޮށްގެން ނޫން ކަމަށާއި ބާޒާރަށް ބޭނުންވާ ވަރަށް އެ ކުންފުނީގައި ބިސް ލިބެން ހުރި ކަމަށް ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) ބުނެފިއެވެ.
މާލެ ސަރަހައްދުގެ ބައެއް ފިހާރަތަކަށް ކުކުޅުބިސް ނުލިބޭ ކަމަށް ބުނެ، ބައެއް ފިހާރަތަކުން މީހަކަށް ޓްރޭއެއްގެ މަގުން އަދި ބައެއް ފިހާރަތަކުން މީހަކަށް 20 ނުވަތަ 10 ބިސް ވިއްކަމުންދާ ކަމުގެ ޝަކުވާތައް ވަނީ އުފެދިފައެވެ. ނަމަވެސް އެސްޓީއޯއިން ބުނެފައިވަނީ އާންމުންނަށް ބޭނުންވާ މިންވަރަށް އެސްޓީއޯގެ ސްޓޮކްގައި ކުކުޅުބިސް އެބަހުރި ކަމަށެވެ.
ކެއިންބުއިމަށް ބޭނުންކުރާ އަސާސީ ބާވަތްތައް ހެޔޮ އަގެއްގައި އާންމު ރައްޔިތުންނަށް ލިބޭނެ ގޮތް ހެދުމަށް ސަރުކާރުން ކަނޑައަޅާފައިވާ ސިޔާސަތުގެ ދަށުން، އަސާސީ ކާބޯތަކެތީގެ ލިސްޓަށް ހަނޑޫ، ހަކުރު އަދި ފުށުގެ އިތުރުން އިތުރު ކަންކަން ހިމަނައި، ފަނަރަ އޮކްޓޯބަރު ދެހާސް ފަންސަވީސް ގައި ވަނީ ތޭވީސް ބާވަތެއް ބާޒާރަށް ނެރެ ވިއްކަން ފަށައިފައެވެ.
އޭގެ އިތުރުން އެސްޓީއޯއިން ރާއްޖޭގެ އެކި ކަންކޮޅުތަކުގައި ޕޮލްޓްރީ ފާމިން ނުވަތަ ކުކުޅު އާލާކުރުމުގެ މަސައްކަތް ކުރަމުންގެންދާ ކަމަށް އިކޮނޮމިކް މިނިސްޓަރު މުހައްމަދު ސައީދު ވަނީ ވިދާޅުވެފައެވެ.
އެސްޓީއޯ ހެޑް އޮފީހުގައި 11 ސެޕްޓެމްބަރު 2025 ގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވިސްނުންފުޅަކީ ރާއްޖޭގެ އެކި ސަރަހައްދުތަކުގައި ޕޮލްޓްރީ ފާމިން ކުރިއަށްގެންދެވުން ކަމަށެވެ. އެ ވިސްނުންފުޅުގެ ދަށުން އެސްޓީއޯއިން ރާއްޖޭގައި ކުކުޅާއި ކުކުޅުބިސް ރައްޔިތުންނަށް ފުދޭ މިންވަރަށް ފޯރުކޮށްދިނުމަށް ހާއްސަ މަސައްކަތްތަކެއް ކުރަމުންގެންދާނެ ކަމަށްވެސް މިނިސްޓަރު ވިދާޅުވިއެވެ.
މިނިސްޓަރު ސައީދު އިތުރަށް ވިދާޅުވީ ރާއްޖެއިން ބޭރުގައިވެސް މުޑުވަށް ރަނގަޅު ބިމެއް ކުއްޔަށް ނުވަތަ ގަނެގެން، އެސްޓީއޯއިން ދުރުރާސްތާގައި ގައުމުގެ ކާބޯތަކެތީގެ ރައްކާތެރިކަން ޔަގީންކުރާނެ ކަމަށެވެ. މިއީ ސަރުކާރުގެ އިކޮނޮމިކް ސިޔާސަތުތަކާއި އަމާޒުތައް ހާސިލުކުރުމަށް ކުރިއަށް އޮތް ތަނުގައި ކުރިއަށްގެންދިއުމަށް ރޭވިފައިވާ މުހިންމު ކަންކަން ކަމަށްވެސް އޭނާ ފާހަގަކުރެއްވިއެވެ.
-ffb3a233.jpg)
ގާތްގަނޑަކަށް 1 މަސް ކުރިން
-962b03f1.jpeg)
ގާތްގަނޑަކަށް 2 މަސް ކުރިން

3 މަސް ކުރިން
-0ca78e5c.jpg)
5 މަސް ކުރިން

6 މަސް ކުރިން

6 މަސް ކުރިން

7 މަސް ކުރިން
-302b2e82.jpeg)
7 މަސް ކުރިން