-8402fff9.png)

އަޙްމަދު ސަދޫފް މޫސާ

ދައުލަތުގެ ބެލުމުގެ ދަށުގައި ތިބޭ ކުދިންގެ ބެލެނެވެރިކަމާ ހަވާލުވާ ނުވަތަ ފޮސްޓާކުރާ ސިވިލް ސާވެންޓުންނަށް ޚާއްސަ ޗުއްޓީއެއް ދޭ ގޮތަށް ސިވިލް ސާވިސް ގަވާއިދަށް އިސްލާހު ގެނެސްފިއެވެ.
ސިވިލް ސާވިސް ގަވާއިދަށް ގެނައި މި އިސްލާހުގައިވާ ގޮތުން، ކުއްޖާއާ ހަވާލުވާއިރު ކުއްޖާގެ އުމުރުން 6 މަސްދުވަސް ނުފުރޭނަމަ، ކުއްޖާގެ އުމުރުން 6 މަސްދުވަސް ހަމަވާ ތާރީޚާ ހަމަޔަށް މުސާރައާއި އިނާޔަތްތައް ލިބޭގޮތަށް ޚާއްޞަ ޗުއްޓީއެއް އެ މުވައްޒަފަކަށް ލިބޭނެއެވެ.
މީގެ އިތުރުން، ކުއްޖާއާ ހަވާލުވާއިރު ކުއްޖާގެ އުމުރުން 6 މަސްދުވަސް ފުރިފައިވާ ނަމަ ނުވަތަ 6 މަސްދުވަސް ފުރެން 30 ދުވަހަށް ވުރެ ކުރު މުއްދަތެއް އޮތް ނަމަ، 30 ދުވަހުގެ ޗުއްޓީއެއް މުސާރައާއި އިނާޔަތްތަކާއެކު ލިބޭނެ ކަމަށްވެސް އެ އިސްލާހުގައި ބަޔާންކޮށްފައިވެއެވެ.
ކުދިން ފޮސްޓާކުރާ އާއިލާތަކަށް އިތުރު އެހީތެރިކަން ފޯރުކޮށްދިނުމުގެ ގޮތުން، މާލީ ގޮތުން ދަތިކަން ހުރި އާއިލާތަކަށް ދައުލަތުގެ ފަރާތުން ކޮންމެ ކުއްޖަކަށް މަހަކު 5,000 ރުފިޔާގެ ޚާއްސަ އެލަވަންސްއެއް ދިނުމަށްވެސް ސަރުކާރުން މިހާރު ވަނީ ނިންމާފައެވެ.
މި ނިންމުންތަކަކީ ދައުލަތުގެ ބެލުމުގެ ދަށުގައި ތިބޭ ކުދިންނަށް އާއިލީ ލޯތްބާއި އަޅާލުން ލިބޭނެ މަގު ފަހިކޮށްދީ، އެ ކުދިން ބަލާ އާއިލާތަކަށް ލުއިފަސޭހަކޮށްދިނުމަށް ސަރުކާރުން ކުރަމުންދާ މަސައްކަތުގެ ތެރެއިން އެޅި މުހިންމު ފިޔަވަޅެކެވެ.

6 މަސް ކުރިން

6 މަސް ކުރިން

8 މަސް ކުރިން

9 މަސް ކުރިން

11 މަސް ކުރިން

11 މަސް ކުރިން

ގާތްގަނޑަކަށް 1 އަހަރު ކުރިން

ގާތްގަނޑަކަށް 1 އަހަރު ކުރިން