-8402fff9.png)
ސައިފުﷲ އަލީ
-b01ee6fe.jpeg)
ހުޅުމާލޭގެ ދެވަނަ ފިޔަވަހީގެ ކަރަންޓުގެ ޚިދުމަތް އިތުރަށް ހަރުދަނާކޮށް ފެންވަރު ރަނގަޅުކުރުމަށްޓަކައި، ސްޓޭޓް އިލެކްޓްރިކް ކޮމްޕެނީ ލިމިޓެޑް އިން ޖުލައި 21 އިން 31 އަށް މުހިންމު ޓެކްނިކަލް މަސައްކަތްތަކެއް ކުރުމަށް ނިންމައިފިއެވެ.
ސްޓެލްކޯއިން ހާމަކުރައްވާފައިވާ ގޮތުގައި، ހުޅުމާލެ ދެވަނަ ފިޔަވަހީގެ ކަރަންޓުގެ ވިއުގަ ބެލެހެއްޓުން އެ ކުންފުންޏާ ރަސްމީކޮށް ހަވާލުކުރުމާ ގުޅިގެން، އެ ސަރަހައްދުގެ ކަރަންޓުގެ ޚިދުމަތުގެ ފެންވަރު މަތިކުރުމަކީ އެ ކުންފުނީގެ މުހިންމު އަމާޒެކެވެ. އެގޮތުން، ރައްޔިތުންނަށް އިތުބާރުހުރި އަދި ދެމެހެއްޓެނިވި ޚިދުމަތެއް ފޯރުކޮށްދިނުމަށްޓަކައި ކަރަންޓު ވިއުގައިގައި ކުރަންޖެހޭ ޓެކްނިކަލް އަޕްގްރޭޑިންގ މަސައްކަތްތައް ކުރިއަށް ގެންދިއުމަށް ވަނީ ހަމަޖެހިފައެވެ.
މި މަސައްކަތްތައް ކުރިއަށްދާ ވަގުތުތަކުގައި ހުޅުމާލެ ދެވަނަ ފިޔަވަހީގެ އެކި ސަރަހައްދުތަކުން ކުޑަ ވަގުތުކޮޅަކަށް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއްކަމަށް ސްޓެލްކޯއިން ވަނީ އަންގަވާފައެވެ. މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށްޓަކައި އެ ކުންފުނިން ވަނީ މައާފަށް އެދިވަޑައިގެންފައެވެ. އަދި މިއީ ދިގު މުއްދަތަކަށް ރައްޔިތުންނަށް ފޯރުކޮށްދޭ ޚިދުމަތުގެ ފެންވަރު ރަނގަޅުކުރުމަށް ކުރެވޭ މަސައްކަތަކަށްވާތީ، އާންމުންގެ އެއްބާރުލުން ދެއްވުމަށް އެ ކުންފުނިން ވަނީ އެދިވަޑައިގެންފައެވެ.
ހުޅުމާލެ ދެވަނަ ފިޔަވަހީގެ ކަރަންޓުގެ ނެޓްވޯކާ ސްޓެލްކޯއިން ރަސްމީކޮށް ހަވާލުވެފައިވަނީ ނިމިދިޔަ ޖޫން މަހުގެ ތެރޭގައެވެ. މާލެ ސަރަހައްދުގެ ކަރަންޓުގެ ހާލަތު ރަނގަޅު ކުރުމަށް ސްޓެލްކޯއިން ގިނަ މަސައްކަތްތަކެއް ކުރަމުން އަންނައިރު، ހުޅުމާލޭގައި ގާއިމުކޮށްފައިވާ 50 މެގަވޮޓުގެ އިންޖީނުގޭގެ ޕަވަރ ސިސްޓަމް އަޕްގްރޭޑް ކުރުމުގެ މަސައްކަތްވެސް ދާދިފަހުން ވަނީ ފަށާފައެވެ.
-abc52f65.jpg)
10 ދުވަސް ކުރިން

27 ދުވަސް ކުރިން

ގާތްގަނޑަކަށް 1 މަސް ކުރިން
-1b57f26b.jpg)
ގާތްގަނޑަކަށް 1 މަސް ކުރިން

ގާތްގަނޑަކަށް 2 މަސް ކުރިން
2 މަސް ކުރިން
-0f281ac4.jpg)
3 މަސް ކުރިން
-9933aaea.jpg)
3 މަސް ކުރިން