-8402fff9.png)

އަޙްމަދު ސަދޫފް މޫސާ

ސްކޭމްގެ ގިނަ މައްސަލަތަކެއްގެ ތަހުގީގަށް ފުލުހުން ހޯދަން އިއުލާނުކުރި ތ. ހިރިލަންދޫ، ނާގަލި، ޢާއިޝަތު ނާޛިރާ (41އ) ފުލުހުންގެ ބެލުމުގެ ދަށަށް ގެންގޮސް، އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް އިއްޔެ ހާޒިރުކޮށްފިއެވެ.
ކޯޓުން ވަނީ އޭނާގެ ބަންދަށް މި މަހުގެ 19 ވަނަ ދުވަހުގެ ނިޔަލަށް މުއްދަތު ޖަހާފައެވެ.
ފުލުހުން ކޯޓުގައި ހާމަކުރި ގޮތުގައި، ޢާއިޝަތު ނާޛިރާގެ މައްޗަށް މަކަރާއި ހީލަތުން ފައިސާ ހޯދުމުގެ 14 މައްސަލައެއް ވަނީ ހުށަހެޅިފައެވެ. މި މައްސަލަތަކުގައި މަކަރާއި ހީލަތުން ހޯދާފައިވާ ފައިސާ އޭނާގެ ބޭންކް އެކައުންޓަށް ޖަމާކޮށްފައިވާ ކަމަށް ފުލުހުން ތުހުމަތުކުރެއެވެ.
ކްރިމިނަލް ކޯޓުގެ އަމުރުގައި ބުނެފައިވަނީ، އޭނާގެ މައްޗަށް ތުހުމަތުކުރެވޭ ކުށް ކުރިކަމަށް ބެލެވޭ މިންވަރަށް ހެކި ލިބިފައިވާ ކަމަށެވެ. މީގެ ތެރޭގައި މައްސަލަ ހުށަހެޅިކަމުގެ އިންސިޑެންޓް ރިޕޯޓާއި، ފުލުހުން ބޭންކަށް ފޮނުވި މެއިލްތަކާއި އޭގެ ޖަވާބުތަކުގެ އިތުރުން މައްސަލައާ ގުޅުންހުރި ފޮޓޯ ރިޕޯޓްތައް ހިމެނޭ ކަމަށް ކޯޓުން ފާހަގަކޮށްފައިވެއެވެ.
ކޯޓު މަރުހަލާގައި ޢާއިޝަތު ނާޛިރާ ވަނީ ވަކީލަކު އައްޔަންކުރުމުގެ ފުރުސަތަކަށް އެދިފައެވެ. ކޯޓުން އެ ފުރުސަތު ދީފައިވާއިރު، އޭނާ ބުނެފައިވަނީ އޭނާއަކީ ބަލި މީހެއް ކަމަށާއި، ނަމަވެސް ތަހުގީގަށް ފުލުހުންނަށް ފުރިހަމަ އެއްބާރުލުން ދޭނެ ކަމަށެވެ.

1 ދުވަސް ކުރިން

4 ދުވަސް ކުރިން

5 ދުވަސް ކުރިން

5 ދުވަސް ކުރިން
-67446365.png)
8 ދުވަސް ކުރިން

9 ދުވަސް ކުރިން

12 ދުވަސް ކުރިން

12 ދުވަސް ކުރިން