-8402fff9.png)
ސައިފުﷲ އަލީ

މި މަހުގެ ހަތަރުވަނަ ދުވަހު ބޭއްވި ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީ (ޑަބްލިއުޑީސީ) ތަކުގެ އިންތިޚާބުގެ ނަތީޖާ ދައްކާގޮތުން، ވެރިކަންކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) އިން އެންމެ ގިނަ ގޮނޑި ކާމިޔާބުކޮށްފައިވާއިރު، އިދިކޮޅު މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ރާއްޖޭގެ ބޮޑެތި ސިޓީތަކުގެ ކޮންޓްރޯލް ހޯދައިފިއެވެ.
މުޅި ރާއްޖޭގައި ކުރިއަށްދިޔަ މި އިންތިޚާބުގައި ރަށު ކައުންސިލްތަކާއި، އަތޮޅު ކައުންސިލްތަކާއި، ސިޓީ ކައުންސިލްތަކުގެ އިތުރުން ޑަބްލިއުޑީސީތަކަށް ޖުމްލަ 1،351 މެންބަރުން ވަނީ އިންތިޚާބުކޮށްފައެވެ.
އެ އިންތިހާބުތަކުގައި ޕާޓީތަކުން ހޯދި ގޮނޑިތަކުގެ ތަފްސީލު މިއަދު އިލެކްޝަނުން އާންމުކޮށްފައިވާއިރު، އެ އިންތިޚާބުގެ ނަތީޖާއަށް ބަލާއިރު ޕީއެންސީން 584 ގޮނޑި ކާމިޔާބުކޮށްފައިވާއިރު، އެމްޑީޕީން ވަނީ 563 ގޮނޑި ކާމިޔާބުކޮށްފައެވެ. މީގެ އިތުރުން އަމިއްލަ ގޮތުން ވާދަކުރި ކެންޑިޑޭޓުން 169 ގޮނޑި ކާމިޔާބުކުރިއިރު، އެމްޑީއޭ އިން 23 ގޮނޑި، އަދާލަތު ޕާޓީން 6 ގޮނޑި، ޖުމްހޫރީ ޕާޓީން 4 ގޮނޑި އަދި ދަ ޑިމޮކްރެޓްސް އިން 2 ގޮނޑި ވަނީ ކާމިޔާބުކޮށްފައެވެ.
ޕީއެންސީން ކުދި ރަށްތަކުގެ ގިނަ ގޮނޑިތަކެއް ކާމިޔާބުކުރި ނަމަވެސް، އެމްޑީޕީން ވަނީ ރާއްޖޭގެ މައިގަނޑު ފަސް ސިޓީގެ މޭޔަރުކަން ކާމިޔާބުކޮށްފައެވެ. އެއީ މާލެ، އައްޑޫ، ފުވައްމުލައް، ކުޅުދުއްފުށި އަދި ތިނަދޫ ސިޓީ ހިމެނެއެވެ.
މިފަހަރުގެ އިންތިޚާބަކީ ރާއްޖޭގެ ތާރީޚުގައިވެސް ލޯކަލް ކައުންސިލް އިންތިޚާބެއްގައި އެންމެ ގިނަ މީހުން ވޯޓުލީ އެއް އިންތިޚާބެވެ. އިންތިޚާބީ އިދާރާތަކުން ހާމަކުރި ގޮތުގައި ވޯޓުލުމުގެ ހައްޤު ލިބިގެންވާ މީހުންގެ 73 އިންސައްތަ މީހުން ވަނީ ވޯޓުލާފައެވެ. މި އިންތިޚާބުގައި ވޯޓުލީ މީހުން ވަނީ ކައުންސިލްތަކުގެ އިތުރުން ޤާނޫނުއަސާސީއަށް އިޞްލާޙު ގެނައުމާ ގުޅޭ ރިފަރެންޑަމްއެއްގައިވެސް ވޯޓު ދީފައެވެ.
-18fe96dd.png)
ގާތްގަނޑަކަށް 1 މަސް ކުރިން

3 މަސް ކުރިން
-ac30ed1f.jpg)
4 މަސް ކުރިން

5 މަސް ކުރިން

5 މަސް ކުރިން

5 މަސް ކުރިން
-0c91c8de.png)
5 މަސް ކުރިން

5 މަސް ކުރިން