-8402fff9.png)
ފާތިމަތު މިޝްކާ

ވިހަ ގޭސްތައް ޖައްވާ ދޫކުރުމުގެ ޒިންމާ ތަރައްގީވަމުން އަންނަ ގައުމުތަކުގެ ބޮލުގައި އެޅުވުމަކީ އިންސާފުވެރި ގޮތެއް ނޫންކަމަށް އިންޑިޔާގެ ބޮޑުވަޒީރު ނަރެންދްރަ މޯދީ ވިދާޅުވެއްޖެ އެވެ.
އާދިއްތަ ދުވަހު ނިއުދިއްލީގައި ބޭއްވި ތިމާވެއްޓާއި މޫސުމީ ބަދަލުތަކާ ބެހޭ ބައިނަލްއަގުވާމީ ކޮންފަރެންސެއްގައި ވާހަކަދައްކަވަމުން މޯދީ ވިދާޅުވީ ވިހަ ގޭސް ބޭރުކުރުމުގެ ޒިންމާ ތަރައްގީވަމުން އަންނަ ގައުމުތަކުގެ ބޮލުގައި އެޅުވަނީ ބޭއިންސާފުން ކަމަށެވެ. މޯދީ ފާހަގަކުރެއްވި ގޮތުގައި އިންޑިޔާގައި ކާބަން ބެރުކުރާ މިންވަރަށް ބަލާއިރު ދުނިޔޭގެ އެވްރެޖަށް ވުރެ ދެބައިކުޅަ އެއްބަޔަށް ވުރެވެސް ދަށެވެ.
"ތިމާވެށީގެ މުސްތަގުބަލާއި މޫސުމީ ބަދަލުތައް" މި މައުޟޫއަށް ބާއްވާ ދެ ދުވަހުގެ ކޮންފަރެންސް ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުން މޯދީ ވިދާޅުވީ ވިހަ ގޭސް ބޭރުކުރުމުގެ ޒިންމާ ގިނަ ފަހަރަށް ނުބައިކޮށް އެޅުވެނީ ތަރައްގީވަމުން އަންނަ ގައުމުތަކުގެ ބޮލުގައި ކަމަށެވެ. އަދި ތަރައްގީވެފައިވާ ގައުމުތަކުގައި މިފަދަ ގޭސްތައް ބޭރުކުރާ މިންވަރު އިންޑިއާއަށް ވުރެ ހަގުނަ އިތުރުކަން ވެސް ފާހަގަކުރެއްވި އެވެ.
މީގެ އިތުރުން، 2015 ވަނަ އަހަރުގެ ޕެރިސް ކްލައިމެޓް ސަމިޓް ހިމެނޭހެން، ބައިނަލްއަގުވާމީ އެކި މައިދާންތަކުގައި އިންޑިއާއިން މި މައްސަލަ މެދުނުކެނޑި އުފުލަމުންދާ ކަމަށް މޯދީ ވިދާޅުވިއެވެ. އަދި ޖީ20 ގެ ގައުމުތަކުގެ ތެރެއިން ޕެރިސް އެގްރީމަންޓްގެ ދަށުން ކަނޑައަޅާފައިވާ ލަނޑުދަނޑިތައް ތާވަލަށް ވުރެ ކުރިން ހާސިލްކުރި ހަމައެކަނި ގައުމަކީ އިންޑިޔާކަމަށޤ މޯދީ ވިދާޅުވި އެވެ.
މޯދީ މިފަދައިން ވިދާޅުވެފައިވަނީ އިންޑިއާގެ އަވަށްޓެރި ނޭޕާލަށް ކުރިމަތިވި ނުރައްކާތެރި ފެންބޮޑުވުމުގެ ހާދިސާތަކުގައި 1,400 އަށް ވުރެ ގިނަ މީހުން މަރުވިތާ ހަފުތާތަކެއް ފަހުންނެވެ. ގްރީންހައުސް ގޭސް ބޭރުކުރާ މިންވަރުގެ ތެރެއިން ނޭޕާލް ހިއްސާކުރަނީ އެންމެ މުޅި ދުނިޔޭގެ އެންމެ 0.1 އިންސައްތަ އެވެ. ވޯލްޑް ބޭންކުން ސިފަކުރާ ގޮތުގައި ނޭޕާލަކީ ދުނިޔޭގެ މޫސުމަށް އަންނަ ބަދަލުތަކަށް ބާރުފޯރުވާ ގައުމެކެވެ.

ގާތްގަނޑަކަށް 2 މަސް ކުރިން

ގާތްގަނޑަކަށް 2 މަސް ކުރިން
ގާތްގަނޑަކަށް 2 މަސް ކުރިން
ގާތްގަނޑަކަށް 2 މަސް ކުރިން

ގާތްގަނޑަކަށް 2 މަސް ކުރިން

ގާތްގަނޑަކަށް 2 މަސް ކުރިން

ގާތްގަނޑަކަށް 2 މަސް ކުރިން

ގާތްގަނޑަކަށް 2 މަސް ކުރިން