-8402fff9.png)

އަޙްމަދު ސަދޫފް މޫސާ

އަމިއްލަ ނަފުސަށް އިތުބާރުކުރާ، ޢަޤީދާ ވަރުގަދަ އަދި ޤައުމިއްޔަތަށް ލޯބިކުރާ ޒިންމާދާރު ރައްޔިތެއް ބިނާކުރުމަށް ސަރުކާރުން ފަށާފައިވާ ދިވެހި ވަޠަނީ ޚިދުމަތުގެ ތަމްރީނު ޕްރޮގްރާމުގެ ދެވަނަ ބެޗްގެ ބައިވެރިން މިއަދު ބ. ކިހާދޫއަށް ފުރައިފިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުއިއްޒު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، މި ތަމްރީނުގައި ބައިވެރިވާ ޒުވާނުން ފުރާފައިވަނީ ބ. ކިހާދޫގައި ޤާއިމުކޮށްފައިވާ އެމްއެންޑީއެފްގެ ސްކޫލް އޮފް އިންޖިނިއަރިން އެންޑް ލޮޖިސްޓިކްސް އަށެވެ.
މި ތަމްރީނު ޕްރޮގްރާމުގައި ރާއްޖޭގެ 17 އަތޮޅެއްގެ 50 ރަށަކަށް ނިސްބަތްވާ 77 ޒުވާނުން ބައިވެރިވެއެވެ. ބައިވެރިންގެ އުމުރުފުރާއަކީ 16 އަހަރާއި 19 އަހަރާއި ދެމެދެވެ. މި ތަމްރީނުގެ ތެރެއިން ތަފާތު 6 ފަންނީ ދާއިރާއަކުން ތަމްރީނު ފުރިހަމަކުރުމުގެ ފުރުޞަތު މި ޒުވާނުންނަށް ލިބޭނެ ކަމަށް ރައީސް ފާހަގަކުރެއްވިއެވެ.
ރައީސް ވިދާޅުވި ގޮތުގައި ސަރުކާރުގެ މި މަޝްރޫޢުގެ މައިގަނޑު މަޤްޞަދަކީ ރޫޙާނީ އަދި ޖިސްމާނީ ގޮތުން ދުޅަހެޔޮ، ޤައުމަށް ލޯބިކުރާ ޖީލެއް ބިނާކުރުމެވެ. މި ތަމްރީނުތަކަކީ ޒުވާނުންގެ ހުނަރު ތަރައްޤީކޮށް، ޤައުމީ ޚިދުމަތަށް އެކުދިން އަހުލުވެރިކުރުވުމަށް ކުރިއަށްގެންދާ މުހިންމު މަސައްކަތެއް ގޮތުގައި ރައީސް ފާހަގަކުރެއްވިއެވެ.

ގާތްގަނޑަކަށް 19 ގަޑިއިރު ކުރިން

ގާތްގަނޑަކަށް 20 ގަޑިއިރު ކުރިން

ގާތްގަނޑަކަށް 21 ގަޑިއިރު ކުރިން

3 ދުވަސް ކުރިން

3 ދުވަސް ކުރިން

6 ދުވަސް ކުރިން

6 ދުވަސް ކުރިން

6 ދުވަސް ކުރިން